Previsión e actualización das actividades extraescolares do curso 2016/17

Aquí tedes unha nova versión das diferentes actividades ofertadas para este curso. Tamén proponse unha estimación dos custes e a provisión dos horarios das actividades propostas...

Menú de septembro 2016

Aquí tedes o primeiro menú deste ano... (septembro 2016)...

Bo proveito...

Actividades extraescolares propostas pola ANPA para este novo curso 2016/17

Estimadas Familias,

Poñémonos en contacto con vos, para informarvos da oferta de actividades extraescolares organizadas pola ANPA, así como dos prazos e datas de inscrición.

Ábrese o prazo para as inscricións dende o 12 ata o Luns 26 de Setembro excepto para o Aula Matinal que o prazo comezará o 1 de setembro e continúa durante todo o curso (consultar condicións no documento ligado). Tódalas actividades teñen unha cota de alumn@s admitidos. O orden de prioridade para obter praza nas actividades será a seguinte:

1. Alumn@s pertencentes á ANPA e que repitan actividade.
2. Alumn@s con algún irmán na actividade.
3. Orden de presentación de solicitudes.

A listaxe de admitidos e reservas publicarase no centro e na web o Mércores 28 de Setembro, así como as prazas vacantes de tódalas actividades se as houbese.

As actividades darán comezo no mes de Outubro e rematarán no mes de Maio (8 meses), excepto Aula Matinal, que comezará a funcionar o primeiro día de clase e rematará o último día lectivo. Para que as actividades se poidan levar a cabo, deberá haber un cota mínimo de nen@s en cada actividade.

Os grupos e horarios poderán ser modificados dependendo das necesidades organizativas das mesmas.

Se durante o curso se produce algunha baixa chamarase por rigoroso orde de lista de reserva. Se aínda así non se chegase o cota mínimo de alumn@s a actividade poderase suspender.

As actividades xeraran un compromiso por parte das familias de chegar tanto á entrada cómo á saída puntuais para non entorpecer o bo funcionamento das mesmas.

O pago das actividades será mensual, a través da domiciliación bancaria e o recibo cargarase en conta o día 10 de cada mes. As tarifas son por mes completo, se algún neno falta a algunha clase non se farán descontos. As BAIXAS deberán ser notificadas entre o 20 e o 25 do mes anterior á baixa, e no caso de DEVOLUCIÓN DE RECIBO, estes serán aboados, mediante unha nova remisión do cobro xunto cos gastos que orixine dita devolución. (A ANPA NON SE RESPONSABILIZA DA DEVOLUCIÓN DE RECIBOS SE NON SE NOTIFICA A BAIXA ANTES DO DÍA 25 DO MES ANTERIOR). Se alguén non desexa domiciliación bancaria, a forma de pago será por CURSO COMPLETO, un único pago do importe total na segunda quincena de Outubro, na conta:

• ABANCA: Nº CONTA: 2080 5079 83 3040001135.

A participación nas actividades supón aceptación e o respecto das normas establecidas e para iso deberase cubrir e firmar correctamente a folla de inscrición adxunta.

•  AULA MATINAL. Actividade que permite conciliar a vida familiar e laboral, ofrecendo un servizo de recollida dos nen@s dende as 08:00h, e ata o inicio das clases. Dende o primeiro día lectivo e ata o último.
•  TALLER LÚDICO EN INGLÉS: Clases faladas coas que se pretende que @s nen@s aprendan o idioma naturalmente. Grupos de infantil e grupo de primaria.
• CONTACONTOS E EXPRESIÓN CORPORAL: Esta actividade permítelle aos nen@s manifestar a súa capacidade creadora e imaxinativa, axudándolle a dominar a expresión corporal e oral,etc. Dirixida ó grupo de infantil ata 2º de primaria incluído.
• TEATRO: Actividade dinamizativa q permite ampliar as súas capacidades de imaxinación e imitación, favorecendo a integración no grupo. A partir de 3º primaria
• INTELIXENCIA EMOCIONAL. Habilidade das persoas para atender e percibir os sentimentos de forma axeitada e precisa, a capacidade para asimilalos e comprendelos e a destreza para regular o noso estado de ánimo e o dos demais.(Grupo PRIMARIA)
• TALLER LÚDICO ALEMÁN. Xogos e cancións en lingua alemán, onde se iniciaran neste idioma dun xeito lúdico. A partir de 5 anos.
• DIVERCIENCIA. Taller moi dinámico onde os nen@s se transformarán en científicos a través do xogo. Tódalas idades.
• BAILES LATINOS. A cargo da escola Chachachá, imparten clases de bailes latinos a partir dos 5 anos.
• Tamén se oferta CLASES PARA ADULTOS, (pais e nais dos alumnos do cole), cun desconto especial para os socios da Anpa (para máis información ESCOLA CHACHACHÁ)
• ZUMBA ADULTOS. Actividade deportiva con moito ritmo a través do baile e música.
• INFORMÁTICA. A academia LOGOS, oferta clases que abarcan dende mecanografía, paquete office, paint, navegador...etc, dispoñendo de un pc por nen@ Inscricións e horarios na academia. Tarifas:  2h/semana/mes = 18 €/alumn@  ADULTOS: 2h/semana/mes = 25 €

Tede presente que estamos agardando a oferta deportiva a enviar pola "Deputación de Pontevedra" e pola "Fundación Cangas Deporte".

Aquí tedes a ligazón cos ficheiros a imprimir e cubrir... 

Calendario escolar e festivos 2016/17 publicados na Xunta

Orde do 7 de xuño de 2016 pola que se aproba o calendario escolar para o curso 2016/17 nos centros docentes sostidos con fondos públicos na Comunidade Autónoma de Galicia.

aquí o calendario:

...e os festivos:

Aviso do prazo para solicitar axudas de comedores

Dende "Benestar Social Cangas" pedíronnos que vos transmitamos isto:

"Bo día:

Coma queira que o vindeiro 31 de xullo remata o prazo para solicitar as axudas dos comedores escolares dos ceips de A Rúa, Nazaret, Hio e Aldán, xestionados polo Concello de Cangas, solicitamovos que fagades un esforzo por facerlle chegar esta información o maior número de familias posible."
saúdos,

Banco de libros deste próximo curso 2016-17

...O calendario prevista para implantación do BANCO DE LIBROS DE TEXTO MUNICIPAL é o seguinte:

• Recollida de libros e presentación de solicitudes : realizarase  do 15  ó 31 de xullo. Aqueles alumnos/as que queiran entregar ou solicitar  libros deberán dirixirse ao Centro Municipal de Benestar Social.
• Revisión do material e estudio das solicitudes: do 1 ó 15 de agosto.
• Publicación listado de solicitudes aceptadas : A partires do 17 de agosto..."

aquí máis información

17 Salón do Cómic e Ilustración de Cangas (do 18 ata o 24 do 07)

"Por fin chegou unha das datas máis esperadas, o inicio do 17 Salón do Cómic e  Ilustración de Cangas, que terá lugar do luns 18 de xullo ao domingo 24 de xullo.

Mercedes Lorenzo, a Técnico de Xuventude do Concello, presenta un programa envexable que, nesta edición, se levará a cabo en espazos distintos: a Capela do Hospital e as distintas plantas do Auditorio Municipal.  Trala inauguración o luns 18 de xullo ás 19:30 horas, darase paso a unha semana na que o cómic e a ilustración serán os protagonistas. 

Contaremos con obradoiros de Cómico co debuxante José A. Calvo (de martes a venres ás 12 horas), cine (Deadpool, Los Vengadores: La era de Ultrón, Carlitos y Snoopy e Big Hero 6), a entrega de premios do 14º Certame de Cómic, a presentación do Proxecto do Colectivo Mithoshiwa (deseño de personaxes de animación), charlas coloquio cos creadores da revista dixital Orgullo y Satisfacción (con Guillermo e Bernardo Vergara, antigos integrantes de El Jueves) e con Fernando Blanco e Victor Rivas e sinaturas cos debuxantes. Na Capela do Hospital teremos a exposición de Victor Rivas "Escarlatina, Esmeraldina", cedida polo Pazo da Cultura de Pontevedra e realizada para o XVII Salón do Libro Infantil e Xuvenil de Pontevedra. Pola súa parte, na primeira planta do Auditorio atoparemos a exposición "De Castelao ao mañá: unha ollada ao cómic galego", cedida pola Deputación de Pontevedra. Por último, o sábado día 23 de xullo, Xulia Vicente presentará "Ari, cazador de dragones" na libraría Wells Libros. 

Lembranza para o escritor galego, Agustín Fernández Paz, gañador do "Premio Nacional de Literatura Infantil y Juvenil"

Baste esta referencia saída no periódico Público:

..."Fernández Paz lo que hacía no eran relatos o novelas para público infantil o juvenil, como sugieren sus urgentes biógrafos, sino sutiles bombas implosivas para activar en los colegios. Su plan era introducir entre las lecturas del colegio una diversión de apariencia extremadamente inocente (un libro infantil), pero muy consciente de que cualquier libro tiene la obligación de convertirse, si está bien currado, en un objeto muy peligroso. Su cita favorita era de Joles Sennell: “Literatura infantil es aquella que también pueden leer los niños”. Ya es curioso que tu cita favorita haya sido difundida bajo pseudónimo"...

Aquí tedes algunha outra ligazón de interese:

• http://cultura.elpais.com/cultura/2016/07/12/actualidad/1468318178_886445.html
• http://www.elmundo.es/cultura/2016/07/12/5784c1b022601d9d1f8b45e0.html
• http://www.lavozdegalicia.es/noticia/lugo/2016/07/12/fallece-escritor-lucense-agustin-fernandez-paz/00031468316358717380363.htm
• «Queríamos cambiar o mundo desde as aulas, e algo fixemos»

Preciosa curtametraxe d@s nen@s de 6º deste último curso

"Paso a paso", CEIP A Rúa (Cangas), Cinema en curso 2015-2016

Un verán de conto polas rúas de Vigo (dende o 6 de xullo ao 2 de setembro)

"Un total de 22 actividades dirixidas a público infantil percorrerán diferentes lugares da cidade. O Centro de Interpretación da Oralida programa polas rúas, prazas, parques, areais de Vigo... contos, regueifas, monicreques, cancións, lendas... dentro do programa "No verán... un conto".

Un total de 22 actividades dirixidas a público infantil percorrerán desde o 6 de xullo ao 2 de setembro diferentes lugares da cidade: Independencia, prazas da De Digao e da Lagoa en Navia, A Miñoca, O Calvario, a carballeira da Guía en Teis, a Alameda de Bouzas e detrás do museo Marco. Contadas, monicreques, música... contos para soñar e voar coa nosa imaxinación, para acadar as nubes e para levar a pota... sempre contando coa música das árbores a as fábulas de onte e hoxe... E para o público adulto regueifas para divertirse e apreciar o enxeño de quen improvisa en verso"....

Aquí a ligazón da noticia

Obradoiros de verán no Museo Massó. Para nen@s de 5 a 14 anos (7/6/16)

Obradoiros de verán no Museo Massó. Xoves 7 de xullo ás 12.00h. Para nen@s de 5 a 14 anos.

"O QUE O MAR NON QUERE" 

O que ti non queiras non o tires ao mar. Trae cousas atopadas na praia que o mar devolveu e as reciclaremos como monstro mariño.

Inscrición gratuíta

Teléfono 986 321 838

museo.masso@xunta.gal

Video-fotos do festival de fin de curso do noso cole 2016