Calendario escolar oficial 2015-2016

Esta semana comeza o curso. Para @s despistad@s e para informar@s, aquí tedes a ligazón oficial á "Orde do 8 de xuño de 2015 pola que se aproba o calendario escolar para o curso 2015/16, nos centros docentes sostidos con fondos públicos na Comunidade Autónoma de Galicia"

Como solicitar as axudas da Xunta de Galicia para comprar material escolar (curso 2015-16)

O próximo mércores 2 de setembro e ata o 2 de outubro, comezará o prazo para que as familias poidan solicitar as axudas para a compra de material escolar. Trátase dun cheque de ata 50 euros destinado ás familias coas rendas máis baixas e que pretende beneficiar entre 60.000 e 70.000 familias galegas cuxa renda por membro da familia non supere os 5.400 euros.

Aquí tedes a ligazón no DOGA: "ORDE do 25 de agosto de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16".

Aquí tedes unha ligazón coa noticia completa no Faro de Vigo

A Plataforma en Defensa da Sanidade Pública de Cangas, fletará autobuses para a Manifestación de mañá (03/09/15)

Dende o Morrazo fletaranse 4 autobuses.

ÚLTIMAS PRAZAS: Reserve  súa nos teléfonos: 655082249 e 607681279 en Cangas, 669330376 no Hío e 661538656 e 687870864 en Moaña.

​​As Plataformas en Defensa da Sanidade Pública​ de Cangas e Moaña puxéronse​ ao servizo dos interesados en participar na marcha un autobús para facilitar o desprazamento a​ Vigo​ ( Praza España). A recollida será en torno ao Rectorado ao finalizar.

O autobús sairá ás 18:45 da Estación de Autobuses de Cangas e ás 19:00 parará na Praza de Abastos de Moaña. O horario de regreso establecerase no propio autobusús e o prezo por ida e volta será de 3 €.

Aviso de interese: O material escolar do ano que vén pode desgravar...

En Galicia cremos que non entra, pero por se acaso, gardalos.

Deixamos esta ligazón con máis información, e comunidades onde si se indica que desgrava

Destaques das "festas do cristo" deste ano 2015 (do 27/08 ao 6/09)

"... un programa onde non faltará a música de todo tipo creada en Galicia, verbenas, pasarrúas ou as tradicionais atraccións. Como novidade, este ano haberá programación gratuita para os máis pequenos todos os días. As festas arrincará o xoves 27 con actividades para os máis pequenos no parque de Andrea pola mañá e pola tarde..."

Aquí para máis información

Manifestación o 3 de Septembro en Vigo contra os recortes do novo Hospital

A ANPA informa que a plantilla de persoal do CHUVI ten convocada unha manifestación para o día 3 de Septembro ás 20 horas dende o H. Xeral  (rúa Pizarro), contra os recortes no novo Hospital. 

Segundo a "Asociación Galega para a Defensa da Sanidade Pública": "Recórtanse drasticamente todas as áreas asistenciais do Novo Hospital de Vigo: As camas de hospitalización convencional redúcense nun 31,8%, os  Quirófanos nun 31,4%, o Servicio de Urxencias nun 55,5% menos,  as sas de Radioloxía nun 45,7% e desaparece proxectado Laboratorio Central".

Para estar informad@s recomendamos:

• Noticia na "Voz de Galicia"
• No "Faro de Vigo"
• En "Europa Press"
• En "Nuevatribuna"
• No "Atlántico Diario"

Xornada de divertimento na Cidade da cultura en Santiago (22 de agosto de 11 da mañá a 21 horas)

Cidade Imaxinaria á Cidade da Cultura en Santiago. Unha xornada para gozar en familia con viaxeiros equilibristas, bombeiros malabaristas, pallasos magos, principiantes de trapecistas e ata dj’s perruqueiros… 

O vindeiro 22 de agosto de 11 da mañá a 21 horas da tarde celébrase esta nova edición centrada na esencia do circo. Diferentes espectáculos combinados con divertidos xogos para todas as idades.

aquí a ligazón con toda a información...

II concurso de fotolectura 2015 (Bibliotecas Municipais de Cangas)

Do 15 de xullo ao 15 de setembro nas bibliotecas públicas de Cangas:

"O Concurso ten por obxecto reflexar mediante imaxes o mundo dos libros e da lectura en calquera das súas dimensións: humana, educativa, anecdótica, cultural, recreativa, familiar, social, etc. O premio d@ gañad@r será un cheque regalo por valor de 150€, para canxear en material bibliográfico e de oficina "

Aquí a ligazón con máis información...

Axudas Comedor Escolar 2015/16

O servizo de Benestar Social do Concello de Cangas abre o prazo de solicitudes de axudas de comedores escolares para o vindeiro curso 2015-2016. O prazo finaliza o mércores 26 de agosto. Para máis información podedes dirixirvos aos Servizos Sociais (Rúa Andalucía nº3). Teléfonos: 986392266/67

Obradoiros de verán no Museo Massó (O xoves 30 de xullo ás 12.00 h)

Obradoiros de verán no Museo Massó, O xoves 30 de xullo ás 12 "O QUE O MAR NON QUERE". O que ti non queiras non o tires ó mar. Trae cousas atopadas na praia que o mar devolveu e as reciclaremos como monstro mariño.

Inscrición gratuíta:

Teléfono 986321838

museo.masso@xunta.es

Para nen@s de 5 a 14 anos

Obradoiro para nen@s de banda deseñada en Pontevedra

9 de xullo, 11:00 na Biblioteca Pública de Pontevedra

O cómic é un tipo de linguaxe plástica á vez que literaria para narrar e transmitir os contidos dos distintos ámbitos da realidade obxectiva e subxectiva. Este obradoiro articúlase en canto á súa temática no aspecto creativo da BD, apostando por entender o funcionamento dos seus diferentes estilos, tendencias artísticas e narrativas.

Para nenos e nenas de 8 a 12 anos, os xoves 9, 16, 23 e 30 de xullo de 11:00 a 12:30 h

A inscrición para estes obradoiros é gratuíta e faise na biblioteca (hai que cubrir unha solicitude). Comeza o 15 de xuño (en horario de 09:00 a 20:30 h.)  e remata o completar as prazas. Límite de  3 solicitudes por persoa, adxudicadas por orden de chegada.

aquí a ligazón coa información...

"UN DÍA NO CIRCO" Obradoiro da mostra internacional de teatro Cómico e Festivo de Cangas o Sábado, 04 Xullo 2015 11:30

"Un día no circo está deseñado para o achegamento lúdico das técnicas circenses a nenas e nenos de 6 a 11 anos. Nesta experiencia poderán practicar equilibrios, malabares e acrobacias dun xeito dinámico e divertido. Este obradoiro, ademais de permitir que os alumnos aprendan as diferentes técnicas do circo vailles servir, tamén, grazas á expresión corporal, para mellorar a súa autoestima, o traballo da cooperación, a sensibilidade, o desenvolvemento da creatividade e da constancia nas diferentes tarefas, a autosuperación,... En definitiva, preténdese que o mundo do circo serva para favorecer o crecemento do alumno como persoa"

DATAS E DURACIÓN: Sábado 4 de xullo

HORARIO: Pola mañá de 11.30 a 14.00h

LUGAR: Alameda Vella de Cangas

PRAZAS: MÁXIMO 20 prazas. 

PREZO: 10€. As socias de ADICAM están exentas de pago grazas ao patrocinio de Frigoríficos del Morrazo.

INSCRICIÓN: Do 5 ao 16 de xuño. Para facer efectiva a inscrición é necesario enviar o formulario de inscrición debidamente cuberto ao correo electrónico mostra@mostrateatrocangas.org. Tamén se poderá presentar no Audutorio Municipal de Cangas, na Avda de Lugo s/n, de 10 a 13.30h.

SELECCIÓN: A selección realizarase por rigorosa orde de inscrición, tendo preferencia as socias de ADICAM. A organización comunicará a listaxe de participantes o xoves 18 de xuño.

aquí máis información...