PROXECTO: "ROMPENDO ESTEREOTIPOS PARA MEDRAR EN IGUALDADE"

   

Benqueridas familias,

Este ano, de novo, a nosa AFA  beneficiaráse da axuda da Xunta de Galiza en materia de Igualdade.

Esta axuda, dirixida a asociacións de nais e pais de alumnado de todos os centros educativos de Galiza, ten como finalidade potenciar a promoción da igualdade e a prevención da violencia de xénero; e está financiada pola Dirección Xeral de Promoción da Igualdade e cofinanciada con fondos finalistas do Pacto de Estado Contra a Violencia de Xénero.

        O Programa financiado titulase ROMPENDO ESTEREOPTIPOS PARA MEDRAR EN IGUALDADE e inclúe as 5 seguintes actividades:

ACTIVIDADE 1: "MÁIS ALÓ DO PRATO": Estereotipos, alimentación e Imaxe Corporal.

A cargo de LIDIA FOLGAR, dietista-nutricionista especializada en trastornos alimentarios e nutrición pediátrica.

       

Con ela realizaremos un Obradoiro para familias de dúas horas de duración o vindeiro Mércores 8 de Outubro de 17:30 a 19:30 horas.

Esta actividade ten como obxetivo sensibilizar ás familias sobre o impacto dos estereotipos de xénero na alimentación e na imaxe corporal infantil; así como na cousificación do corpo das mulleres. A través dunha metodoloxía participativa, ofrécense ferramentas para previr problemas e fomentar unha relación positiva coa comida e co corpo dende a casa.

ACTIVIDADE 2: "QUERO PODO E DECIDO": Estereotipos e Sexualidade.

A cargo de HADRIANA ORDÓÑEZ OTERO, psicóloga sanitaria e educadora sexual, facilitadora de LEGO Serious Play e experta en violencia de xénero.

Impartirá unha sesión de tres horas cun grupo de terceiro ciclo de primaria e unha sesión con familias de dúas horas o 29 de Outubro (horario por confirmar).

Esta actividade busca desmontar os estereotipos sobre o amor romántico, a sexualidade, o consentimento e a violencia de xénero; ofrecendo ferramentas ás familias e á comunidade educativa par abordar estes temas con adolescentes.

A través da metodoloxía LEGO Serious Play promévse a reflexión crítica e a toma de consciencia sobre modelos de relación máis sans e respectuosas.

ACTIVIDADE 3: "DESAFÍA OS ESTEREOTIPOS: Unha experiencia para pensar".

A cargo de PATRICIA CANABAL, psicóloga, psicoterapeuta con orientación humanista, emocional, creativa e corporal. Postgrado en conducción de grupos e creatividade.

Realizará 8 obradoiros co alumnado de Infantil e Primaria e unha sesión de 3 horas para familias o 27 de Novembro de 16:30 a 19:30.

Esta actividade busca fomentar a observación, a empatía e a resolución cooperativa de conflitos ante situacións de desigualdade; a través de experimentos sociais de convivencia. Pretende promover o debate, a reflexión e a sensibilización sobre igualdade de xénero e novas masculinidades.

ACTIVIDADE 4: "O ENIGMA DA IGUALDADE: Descubrindo Cangas sen Estereotipos".

Coordinada pola Asociación Illa Dos Ratos.

Esta actividade propón unha xincana polo CEIP A RÚA para desmontar os Estereotipos de Xenéro a través da música, tradicións e gastronomía, poñendo en valor o papel das mulleres na contorna. 

Está dirixida a toda a comunidade educativa, prevista para a semana do 17 de Novembro (data por confirmar).

ACTIVIDADE 5: "SENTIR SEN ETIQUETAS: Rompendo Estereotipos na Xestión das Emocións"

A cargo de NURIA SALGADO, psicóloga sanitaria especialista en ansiedade, estado de ánimo e problemas de relación.

Impartirá un obradoiro de 1,5 horas dirixido a familias o Xoves 6 de Novembro de 17:00 a 18:30 horas.

Esta actividade busca reflexionar sobre cómo as etiquetas e estereotipos de xénero condicionan a percepción e a xestión das emocións; promovendo a comprensión dos sentimentos sen xuízos, e a eliminación de condutas machistas aprendidas.

👉 As inscricións para os obradorios faranse a través dos formularios publicados na canle TELEGRAM desta afa.

👉Todos os obradoiros para familias contan con servizo de canguraxe previa inscrición.

(Lembrade que o custo deste servizo vai en función do número de crianzas, así que se finalmente non o precisades, notificádeo canto antes)

👉Na medida do posible e, sempre que os ponentes de cada obradoiro así o autoricen, faráse conexión online parelelamente, para os que non vos podades desplazar ata aquí.

SÁBADO 4 DE OUTUBRO - EXCURSIÓN Ó "PARQUE ARQUEOLÓXICO DA ARTE RUPRESTRE" DE CAMPO LAMEIRO

Benqueridas familias,

Lembrámosvos que a nosa AFA foi seleccionada dentro do programa “+convivencia” correspondente ás subvencións e axudas da Deputación de Pontevedra. A finalidade deste programa é crear espazos de participación para as entidades da provincia de Pontevedra onde poidan compartir experiencias e poñer en valor o patrimonio natural, artístico, etnográfico e cultural de proximidade.

Concedéronnos unha axuda de 1.190 euros para organizar una excursión e dar a coñecer lugares da nosa provincia.

🗓 Data: sábado 4 de outubro de 2025.

🪦Lugar: Parque Arqueolóxico de Arte Rupestre de Campo Lameiro (Pontevedra).

🗿A actividade organizada inclúe unha visita guiada pola área arqueolóxica e un obradoiro🪏

⏰Horarios⏰

🚌Saída do bus: 09,45h do CEIP A Rúa

🚙Volta: 19,00h Campo Lameiro

👭👫Plazas: 50 persoas

💰Custo: 3 euros por persoa

📄Para anotarse, achegaremos o enlace a un formulario que se colgará HOXE MÉRCORES 24 ÁS 16:00h

A admisión farase por orde de inscrición.

🗒🗒 INSCRICIÓNS 🗒🗒

INSCRICIÓN EXCURSIÓN

https://docs.google.com/forms/d/e/1FAIpQLSfEa6_LcZpV6b3qEiqONFQ-sFU19ZNawN2YVqmOAInB4pgoKQ/viewform?usp=header

🧾Como?

Formulario que se publicará  pola canle do Telegram da AFA  e no noso blogue https://anpaarua.blogspot.com/

Luns 29: recibiredes confirmación de inscrición se é o caso ou en lista de agarda se existe.

Pagamento: luns 29 de setembro ó mércores 1 de outubro.

O método de pago farase por transferencia bancaria á conta da AFA, especificando nomes das crianzas e familiares a cargo.

NÚMERO DE CONTA BANCO SANTANDER: ES36 0049 7823 02 2910029753

MÓLLATE POLOS RÍOS- 21 setembro 2025

Pois este ano, co gallo da limpeza simultánea de ríos en toda Galiza, vólvemonos xuntar un grupiño de familias para coidar do tramo do rego do Saíñas, a rentes da escola. Traballamos a reo, pero non tanto coma outros anos, porque xa se vai notando que, ao darlle continuidade á actividade, a cantidade de lixo que sacamos non vai sendo tanta (por máis que sigan a aparecer bolsas do leite do pleistoceno). Tamén se notou o traballo previo do obradoiro da Escola Taller para acondicionar o espazo, pois nesta ocasión non había empezos- en forma de matas enormes de silveiras- para avanzar todo ao longo do tramo escollido. 

Moitas grazas a tod@s por participar!

XA SOMOS AFA!!!!! BENVIDOS O CURSO 2025/2026!!!!

Benqueridas familias,

Como moit@s sabedes, a finais do derradeiro curso 2024/2025 esta AFA celebrou Asemblea para votar o cambio de denominación da asociación: de ANPA A RÚA(Asociación de Nais e Pais de Alumnos) a AFA A RÚA (Asociación de Familias de Alumnado A RÚA), e así se aprobou, dende entón XA SOMOS AFA.

Achegamos documento con recordatorio das canles de Contacto (pois o mail cambiou), benvida para este novo curso que cheira aínda a estrea, e outras información importantes.

¡VÉMONOS NA RÚA!

FESTA FIN DE CURSO, sábado 14 de xuño

 Ola familias!!

Un ano máis, a AFA A Rúa quere convidarvos a pasar un bonito día en familia e despedir este curso escolar 2024/2025.

Adxuntamos cartaz da programación da festa-

Esperámosvos alí!!

Un saúdo, AFA A Rúa

O maio de A Rúa

Volvemos participar con noso maio na festa do Muiño e desta vez, ademais de cantar a nosa cantiga na festa, levamos o maio de romaría con gaitas e tambores.....Todo saiu ben bonito a pesares das ameazas de choiva...

ELECCIÓNS Á XUNTA DIRECTIVA ANPA CEIP A RÚA

Como sabedes, a Xunta Directiva da ANPA se renova cada dous anos, motivo polo cal temos convocado un proceso de elección para a nova xunta directiva.

A continuación toparedes informacións relevantes sobre o mesmo

ENLACE DESCARGA DOCUMENTO EXPLICATIVO XUNTA DIRECTIVA

Lembramos a todas as persoas interesadas en formar parte da nova Xunta Directiva que teñen ata as 23:59 horas do Martes 4 de Febreiro de 2025 para presentar a súa candidatura por mail no correo anpaarua@gmail. com especificando:

            - Nome e apelidos completos.

            - Número de teléfono.

            - Posto para o que presenta candidatura: Presidente/a,  Vicepresidente/a,  Tesoureiro/a,  Secretario/a ou Vogal.

As votacións e elección da nova Xunta levaranse a cabo en Asamblea Xeral Extraordinaria o 10 de Febreiro de 2025.

Achegamos convocatoria

DESCARGAR CONVOCATORIA.

AGARDÁMOSVOS!!!!!

ANPA A RÚA

PROXECTO: EMPODERAMENTO E RELACIÓNS SAUDABLES. Referencias bibliogŕaficas

 

PROXECTO: EMPODERAMENTO E RELACIÓNS SAUDABLES

Dentro das actividades desenvolvidas este ano, contamos con asesoramento externo de varias asociacións e fundacións de Galicia que aportaron diferentes  enlaces bibliográficos que dalgún xeito complementan o traballo do proxecto.

Así pois deixamos á vosa disposición a seguinte información:  

 

ASOCIACIÓN EDUCO

RECOMENDACIÓNS BIBLIOGRÁFICAS

https://kalandraka.tv/gl/videos/coleccion-adela-turin-booktrailer/

PELÍCULA:

"Siempre nos quedará mañana" italiana do 2023, ambientada nos anos 40, rodada en branco e negro. feminismo, maltrato de xénero, relación cos fillos, patriarcado,.....

 

GUÍAS:

Guía dos ODS, bibliografia moi completa por idades e obxectivos: 

 https://www.edu.xunta.gal/portal/node/41925

Guía do uso seguro da internet: 

https://www.edu.xunta.gal/portal/node/44748

ASOCIACIÓN NOS MESMAS

RECOMENDACIÓNS BIBLIOGRÁFICAS

 - Por cuatro esquinitas de nada de Jerome Ruillier

- Monstruo Rosa de Olga de Dios

- Un mundo maravilloso, de J.S. Pinillos

- Eso no es normal, de Mar Pavón

- Brillante como una estrella, de Daria Locher

- Cada uno es como es, de Jaime Copons

- Malena Ballena, de Malide Cali

- El niño que se comio un balón, de Marta Méndez Álvarez

 

FUNDACIÓN MENIÑOS

RECOMENDACIÓNS BIBLIOGRÁFICAS

Dende esta Fundación facilitan exemplares para poder traballar en aula temáticas relacionadas coa educación emocional e co coidado familiar e acollemento para menores de idade.

• O mundo de Milu
  
  
  
  
  
• Viaxe o reino das emocións
  
  
  
  

 

A maiores, unha das entidades que este ano participou desenvolvendo actividades dentro deste proxecto, achegou diferentes guías que poden ser de interese xeral.

 

IGUALADAS, CONSULTORÍA Y FORMACIÓN.

•  Guía INCIBE Control Parental
• Guía INCIBE redes sociales

 

Asamblea Xeral Ordinaria da nosa ANPA xoves 21 de Novembro as 17:00 horas

Ola familias

 Partillamos convocatoria e orde do día da Asamblea Xeral Ordinaria da nosa ANPA 

 

CONVOCATORIA ASAMBLEA XERAL ORDINARIA
Día: Xoves 21 de Novembro.
Hora: 17:00 horas en 1ª convocatoria e e 17:30 en 2ª convocatoria.
Lugar: Biblioteca do CEIP A RÚA.

 

ORDE DO DÍA:
1. Lectura e aprobación da acta anterior.
2. Exposición e aprobación do estado de contas.
3. Resumo de actividades da ANPA.
4. Subvención de Igualdade.
5. Comedor.
6. Extraescolares.
7. Desfile de Nadal.
8. Novos colaboradores ANPA.
9. Rogos e preguntas.

 

Contamos coa vosa participación!

Agardámosvos
ANPA A RÚA

 

 

PROXECTO: EMPODERAMENTO E RELACIÓNS SAUDABLES

Durante os meses de outubro e novembro desenvolveremos o proxecto “Empoderamento e relacións saudables” enmarcado dentro das subvencións ás asociacións de nais e pais do alumnado de centros educativos de Galicia para financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero para o ano 2024 (código do procedemento SI449B).

Este é o 5º ano no que a través desta convocatoria traballarase no CEIP A Rúa en clave de igualdade e prevención. Inclúe 4 grupos de obradoiros cun total de 8 actividades para cubrir as inquedanzas das familias, do profesorado e do alumnado. Este proxecto faise en coordinación co equipo directivo do colexio.

    1.   Obradoiros sobre relacións saudables para infantil, primeiros ciclos de primaria e pais, nais ou titores.

ACTIVIDADE 1. Mulleres e homes de película! (5 sesións de  1 hora con Infantil, 1º e 2º primaria). Un programa de fomento da igualdade entre mulleres e homes, empoderamento e rexeitamento das violencias machistas.

ACTIVIDADE 2. Así sí. (2 sesións de 1 hora con 3º e 4º primaria). Un obradoiro sobre poñer limites nas relacións, o respecto e a empatía. 

ACTIVIDADE 3. Todo a cambio dun Like! (1 sesión de 1 hora con 5º primaria). Un programa sobre igualdade e seguridade na rede.

ACTIVIDADE 4. Relacións saudables e redes sociais (2 sesións de 2 horas para nais, pais ou titores). O obxetivo destes obradoiros con familias é facilitar a difusión, información, coñecemento e reflexión sobre as temáticas tratadas nos obradoiros levados a cabo co alumnado.

Imparte Igualadas! (Sara Mesejo) e colaboran como asesoras a Fundación Meniños, Asociación ARELA e Educo.

DATA: 8 e 9 de outubro alumnado (martes e mércores) e martes 15 de outubro familias.

2. Obradoiros sobre relacións sexuais saudables para 6º de primaria e pais, nais e titores.

ACTIVIDADE 5. Educación afectivo sexual (2 sesións de 2 horas con 6º primaria).

Obradoiros para fomentar a prevención da violencia de xénero ou de actitudes e comportamentos discriminatorios pola orientación sexual ou a identidade de xénero e establecer o diálogo e a comunicación sobre os temas sexuais no interior do grupo de iguais, na familia e na escola.

ACTIVIDADE 6. A pornografía e o seu impacto nos nenos e nenas de primaria (1 sesión de 2 horas, para pais ou titores).Os obxectivos deste obradoiro son  analizar a  situación da pornografía (aceso e consumo) na actualidade e dar a coñecer ferramentas para traballar os estereotipos representados no porno xeneralista a partir de outros materiais.

 DATA: 6 Novembro (alumnado de mañá e familias de tarde)

Imparte: Asociación ASEIA. Colaboran SOGASEX (Sociedade Galega de Sexoloxía) e Concello de Cangas.

3. Obradoiro sobre Empoderamento fronte o Body Shaming 

ACTIVIDADE 7. Coñecendo o Body Shaming (1 sesión de 1,5 horas para familias).

Os obxectivos desta actividade son informar ás familias sobre esta práctica, o impacto que ten no alumnado e na convivencia e dotar ás familias de ferramentas para traballar cos seus fillos e fillas a aprender a valorar e querer o corpo, traballar a autoestima, protexerse de opinións externas sobre o aspecto físico, e aprender a non opinar sobre o corpo de alguén.  

Imparte a nutricionista e divulgadora Lidia Folgar e colabora a Asociación Nós Mesmas

DATA: venres 15 de novembro pola tarde.

 

    4. Gamificación como ferramenta de educación.

ACTIVIDADE 8. Escape Room Virtual sobre a Igualdade. Obradoiro para familias do CEIP A Rúa.

A metodoloxía desta actividade será mediante un xogo tipo escape room entre o cole e as familias.

Executan Membros da Xunta Directiva da ANPA A Rúa, Comisión da Biblioteca do CEIP A Rúa, Equipo directivo, profesorado do centro e departamento orientación. Colaboran Concello de Cangas e Fundación Meniños.

    OUTROS COLABORADORES

DOMINGO 29 SETEMBRO, LIMPEZA DO RÍO SAÍÑAS, NA CONTORNA DO CEIP A RÚA, ÁS 10.30H

 Boa noite familias,

Outro ano máis unímonos a limpeza simultánea de ríos a nivel galego, e partillamos a convocatoria "Móllate polos ríos".
Será este domingo 29 de setembro, para limpar o tramo do Río Saíñas nos arredores do CEIP A Rúa.

O punto de encontro será o aparcadoiro, xunto á escola ás 10.30h.

É recomendable que traiades luvas para evitar feridas e calzado axeitado.

Máis información:
https://proxectorios.org/projects/xvii-limpeza-simultanea-de-rios/

 

UN DIA XENIAL NO ROTEIRO POLA CONTORNA DA DESEMBOCADURA DO RIO MIÑO

Alumnos e pais atendendo ás explicacions

Unha xornada xenial ao aire libre, gracias o programa +CONVIVENCIA subvencionado pola Deputacion de Pontevera, na que visitamos a fronteira natural con Portugal e aprendemos un montón de cousas, pequenos e maiores, todos xuntos.

O programa +CONVIVENCIA ten como obxectivo crear espazos de participación para as entidades da provincia de Pontevedra nos que poidan compartir experiencias e poñer en valor o patrimonio natural, artístico, etnográfico e cultural de proximidade.

Saimos do noso cole ás 9:45 dirección A Guarda, nun día que comezou gris e cheo de néboa. No autobús, nembargantes, o ambiente era ben diferente! risas e emoción por compartir coa familia e os amigos un dia enteiro fora do noso entorno habitual

Nada mais chegar a A Guarda o autobús deixounos moi cerquiña da Praia do Muiño, e camiñamos ata a Praia do Puntal ¡o punto inferior esquerdo de Galicia!, onde nos esperaba Diego, da cooperativa Miudinho, o fantástico guia que nos explicou as particularidades da desembocadura do Miño, e as dificultades que atopan os animais e prantas que aquí viven para adaptarse a un medio que cambia a cada momento dependendo do vento, o sol e as mareas.

Incluso nos ensinou a facer un labirinto na area! e xogamos a meternos dentro del :)

Como a marea estaba ben baixa, puidemos apreciar perfectamente as Pesqueiras, eses recintos semicirculares de pedra no que se botaba o cebo para atraer a os peixes que quedaban atrapados dentro da pesqueira, cando baixaba a marea.

Pesqueiras, do século XVIII.

"Piñeiral Castrexo" Pinar dunar de O Puntal 

Xusto detras da praia puidemos observar, pintados nos pinos, dos petroglifos de Santa Tegra, obra do veciño de Camposancos Xosé Cabaleiro. Os nenos e maiores entretivémonos buscando a posición exacta na que as formas xeométricas pintadas nos troncos das árbores encaixaran e cobraran sentido.

Seguindo o paseo de madeira, a néboa deixounos por ratos disfrutar da paisaxe de Portual e O Forte da Ínsua, unha espectacular fortificación portuguesa erixida no medio da desembocadura do Miño. Un pouco mais adiante vimos unha pia de pedra utilizada para extraer o sal do mar, e o que queda de un par de muiños de vento.

Pia empregada para obter sal a partir da auga do mar

Muiño de vento (non conserva as aspas) empregado antigamente para moer cereal. A parte do tellado podia moverse para orientar as pás na dirección do vento. Para elo empregaban un gran pau chamado "rabo" que tiñan que mover entre varias persoas.

Mar de pedras creo de tesouros

 A nosa ruta rematou, e Diego non puido atopar lugar mellor... un mar de pedras cheo de tesouros que fixo as ledicias de pequenos e maiores.

Pasamos un rato ideal e abrimos apetito para o xantar nun pinar cercano

Xantar no pinar dunar. Familias e nenos do cole de A Rua

 Xa despois de xantar, xogar as cartas, facer cabanas con madeiras, xogar nos columpios do eucalipto, durmir a sesta e tomar uns cafés, partimos rumbo Santa Tegra.

Castro de Santa Tegra. Época: Século I a.C e o Século I d.C

Castro de Santa Tegra. Poboado parcialmente reconstruido. 

 Aquí visitamos o castro ¡Incrible que aquí viviran entre 3000 e 5000 persoas! 
Tamén subimos ata o mirador e entramos no museo Arqueolóxico de Santa Tegra (MASAT)

Foi un día perfecto! Temos que repetilo! Moitas grazas a todos por participar.